Áskorun til Vigdísar Hauksdóttur

1000 undirskriftir komnar

Kæru netverjar!

Ég skrapp aðeins frá tölvu, og þegar ég kom aftur voru komnar yfir 1000 undirskriftir.

Það er alltaf gaman þegar samtakamáttur fólks kemur fram, en einstaklega gott að sjá fólk stíga fram fyrir hönd starfsfólks ríkisstofnunnar eins og fréttastofu RÚV sem er sá miðill sem kannanir sýna að fólk beri mest traust til.

Gagnrýnisraddir sem ég hef séð í dag hafa ýmist haft á orði að nóg sé komið af undirskriftarlistum það sem af er kjörtímabili, áskoranir sem þessar hafi ekki virst eiga mikið upp á pallborðið hjá ráðamönnum á þessu kjörtímabili, eða að þetta sé verk biturra vinstrimanna og/eða -stjórnmálaflokka.

Við þessu vil ég segja að áskorun sem þessi hefur nægt gildi í sjálfri sér, burtséð frá því hvort sá sem skorað er á bregst við efni hennar. Hún veitir valdi aðhald, sýnir andstöðu við valdníðslutilburðum og hótunum, og lýsir stuðningi fólks við Fréttastofu RÚV.

Varðandi vinstrimennsku, þá hefur upphafsmaður áskorunarinnar engin tengsl við stjórnmálaöfl í landinu, og var ekki hvattur til hennar af neinu öðru en hneykslan yfir fréttum dagsins. Eins tel ég fráleitt að telja andstöðu við valdníðslu og ofbeldi sérstakt vinstrimál.

Ég tel að fæstir Sjálfstæðis- eða Framsóknarmenn myndu setja nafn sitt við það að Vigdís Hauksdóttir eða nokkur annar þingmaður megi hóta að beita valdi sínu í nafni Alþingis gegn fólki sem hún á í erjum við.

Að lokum vil ég þakka ykkur fyrir undirskriftina, það hefði verið leiðinlegt að vera þarna einn á blaði. :-) Einnig vil ég benda fólki á að deila hlekknum petitions24.com/vigdis_hauks til vina og kunningja.

Með bestu kveðjum,
Henrý Þór. 

P.s. Ég hyggst ekki beita þessum tilkynningum nema í sérstökum tilvikum.

Share this petition

Help this petition to reach more signatures.

How to promote a petition?

• Share the petition on your Facebook wall and in groups related to the topic of your petition.
• Contact your friends
  1. Write a message where you explain why you have signed this petition, since people are more likely to sign it if they understand how important the topic is.
  2. Copy and paste the web address of the petition into your message.
  3. Send the message using email, SMS, Facebook, WhatsApp, Twitter, Skype, Instagram and LinkedIn.