Geen parool vir Alison Botha Verkragters(monsters) nie.

Me. Alison Botha is in
1994 wreed deur Theuns Kruger en Frans du Toit aangeval.

Ügen Vos, Jeanne-Marié Versluis en André Damons
Twee mans wat me. Alison Botha verkrag, byna keelaf
gesny en vir dood agtergelaat het, kan ná 17 jaar agter tralies dalk binnekort
vrygelaat word.

Theuns Kruger en Frans du Toit is in Augustus 1995 tot
lewenslange tronkstraf gevonnis.

Ingevolge wetgewing wat in Junie verlede jaar van krag
geword het, mag alle gevangenes wat voor 2004 tot lewenslange tronkstraf
gevonnis is en reeds 13 jaar en vier maande daarvan uitgedien het, om parool
aansoek doen.

Du Toit en Kruger het Botha in Desember 1994 in
Noordhoek oorval, verkrag, meer as 30 keer met ’n mes gesteek en 16 keer
probeer keelaf sny.

Daarna het hulle haar vir dood in die veld agtergelaat.
Hulle het later getuig die dade is in opdrag van die duiwel gepleeg.

Haar hoofslagaar en stembande is nie raak gesny nie,
wat haar in staat gestel het om suurstof in haar keel af te dwing.

Sy moes haar derms in haar hemp bymekaar maak en haar
kop met haar ander hand op haar lyf hou terwyl sy na die naaste pad gestruikel
het.

’n Mediese student het haar langs die pad gewaar en met
haar na die Port Elizabeth- provinsiale hospitaal gehaas.

Die volgende oggend het die aanvallers die bebloede
messe waarmee hulle Botha aangeval het, gebruik om botter op hul brood te
smeer.

Du Toit is in 1995 in die hooggeregshof in Port
Elizabeth tot drie keer lewenslange tronkstraf gevonnis, terwyl Kruger ’n
lewenslange vonnis weens die aanval op Botha, asook 25 jaar weens ’n aanval op
’n swanger vrou gekry het.

Kruger, wat sy vonnis in Pretoria uitdien, het op 14
Desember voor die paroolraad verskyn en spog volgens ingeligte bronne by
mede-gevangenes dat hy binnekort vrygelaat sal word.

Du Toit het volgens me. Puleng Mokhoane, Vrystaatse
woordvoerder van die departement van korrektiewe dienste (DKD), op 10 Januarie
in die Grootvlei-gevangenis in Bloemfontein ook “sy storie aan die paroolraad
voorgelê”

.Kruger en Du Toit word
as “rooilys”-misdadigers beskou, aangesien Botha steeds leef en ’n belang by
hul moontlike vrylating het, maar sy was nie eens van hul verskyning voor die
paroolraad bewus.

Mnr. Sonwabo Mbananga, woordvoerder
van die minister van korrektiewe dienste, het gister gesê gevangenes wat
lewenslange tronkstraf uitdien, se aansoeke om parool word nie deur paroolrade
goed- of afgekeur nie.
Die aansoeke word wel as ’n “administratiewe proses”
voor die paroolrade gebring, waarna die paroolraad die voorleggings wat aan hom
gedoen is, na die nasionale raad oor korrektiewe dienste (NCCS) verwys.
Die NCCS kyk dan na byvoorbeeld die regter se opmerkings
tydens vonnisoplegging, sielkundige verslae oor die gevangene, sy gedrag in die
tronk, die programme waaraan hy in die tronk deelgeneem het, sy rehabilitasie
en die vaardighede wat hy aangeleer het.
Die NCCS evalueer die inligting en kan dan ’n aanbeveling
aan die minister maak. Die minister het alleenreg om te besluit of iemand op
parool vrygelaat word

Die monsters mag nie vrygelaat word nie, maak nie saak hoe goed hul hul self gedra het nie die wonde van Alison sal sy altyd saam haar dra, ek sal nie wil he die mans moet vry loop tussen ons jong meisies en ma vandag nie hul verdien om in die tronk te bly> Tyd dat ons almal saam staan en iets omtrent dit doen.

Sign this Petition


OR

Your email address will not be published on our site. However, the author of the petition will see all the information you provide on this form.

You will receive an email with a link to confirm your signature. To ensure you receive our emails, please add info@petitions24.com to your address book or safe senders list.

Paid advertising

We will advertise this petition to 3000 people.

Facebook